لما التارجت بيبقى أهم من الحقيقة 🎯
نص سكان مصر اكتشفوا أن عندهم خطوط محمول ومحافظ مفتوحة بأسماءهم وهما مايعرفوش عنها حاجة.
السبب الحقيقي مش تقني بالمرة...
المتداول إن موظفين تحت ضغط تارجت مبيعات صعب التحقيق لجأوا لتسجيل خطوط لحساب عملاء غير حقيقيين.
نفس المنطق ده مش بعيد عن أي بيزنس فيه فريق مبيعات أو دعم عملاء:
- 📌 ممكن تارجت شهري مستحيل على فريق الدعم يجبر الموظف يقفل شكاوى قبل ما تتحل فعليًا، عشان "معدل الإغلاق" يبان كويس
- 📌 أو تارجت على عدد الطلبات بيخلي حد يأكد طلبات مع عميل معندوش نية شرا حقيقية، أو يضغط بيع منتجات مش مناسبة للعميل
لما تحط على موظفك رقم مستحيل، إنت بتسيبه قصاد اختيار واحد فقط: إنه يوصل للرقم ده بغض النظر عن الوسيلة.
ده مش كلام نظري. أشهر مثال عالمي على كده هو بنك Wells Fargo، اللي تحت ضغط تارجت مبيعات عدواني، فتح موظفينه أكتر من 1.5 مليون حساب وهمي للعملاء بين 2011 و2015 عشان بس يوصلوا للأرقام المطلوبة منهم.
المؤشر (KPI) المفروض يبقى أداة تقيس بيها الواقع، مش هدف الموظف الوحيد.
لما تفصل بين الاتنين، وتدي مساحة واقعية للتحقيق، بتحمي البيزنس من نتيجة أخطر بكتير من انخفاض مؤقت في المبيعات.
❓ التارجت عندك في الشغل واقعي؟
ولا بتضغط على فريقك لحد ما يلاقوا "طريقة" يوصلوا بيها؟
Top comments (0)