الرسالتين الأهم في حملات الايميل

📧 ليه إيميل الترحيب والسلة المتروكة أهم إيميلين في متجرك؟

في البوست اللي فات اتكلمنا إن الإيميلات الأوتوماتيك، رغم إنها بس 2% من إجمالي الإيميلات، بتجيب من 30% لـ37% من إيرادات الإيميل كلها.

النهارده هنركز على أهم إيميلين فيهم 👇

١- إيميل الترحيب 👋

أول رسالة بتوصل للعميل بعد ما يسجل عندك أو يشترك في القائمة البريدية. معدل فتحه (Open rate) بيوصل لـ 83.6%، وده أعلى معدل فتح لأي نوع إيميل موجود.

ليه بيحصل كده؟ لأن العميل لسه فاكرك ومهتم يعرف عنك أكتر.

اللحظة دي مش لازم تضيع في رسالة عامة، لازم تستغلها في:

• ترحيب بسيط وشكر
• تعريف سريع بالمتجر ومميزاته
• كود خصم على أول طلب لو مناسب لموديل شغلك

٢- إيميل السلة المتروكة 🛒

بيتبعت لما العميل يحط منتجات في السلة ويسيب الموقع من غير ما يكمل الشراء. معدل النقر (Click rate) عليه بيوصل لـ 23%، وهو أعلى معدل نقر بين كل أنواع الإيميلات الأوتوماتيك.

العميل ده مش زائر عادي، هو شخص كان على بعد خطوة من الشراء. إيميل بسيط بيفكّره بالمنتج، وممكن يضيف حافز بسيط زي شحن مجاني أو خصم صغير، بيكفي يرجّعه يكمل الطلب.

الخلاصة ✅

الإيميلين دول لوحدهم، لو مظبوطين صح، بيغطوا جزء كبير من العائد اللي اتكلمنا عنه في البوست اللي فات.

في البوست الجاي، هنتكلم عن التقسيم (Segmentation) وليه إرسال نفس الإيميل لكل قائمة العملاء أضعف بكتير من تقسيمهم حسب سلوكهم.

---

المصدر:
Omnisend: Email marketing statistics 2026.

#sary_shokry #ecommerce #WooCommerce #تسويق_رقمي