التسويق بالايميل

📧 التسويق بالإيميل... لسه بيجيب مبيعات

كتير من أصحاب المتاجر الإلكترونية بيركزوا كل ميزانية التسويق على السوشيال ميديا والإعلانات المدفوعة، وبيتناسوا قناة من أقدم القنوات في التسويق وبترجع أعلى عائد من أي قناة تانية موجودة.

الأرقام بتقول إيه؟

في دراسة لموقع Omnisend، اكتشفت إن مقابل كل 1$ يتصرف على الإيميل ماركتنج بيرجع عائد في حدود 36$ و42$ في المتوسط، وممكن يوصل 72$ للمتاجر الإلكترونية اللي شغالة صح.

العائد ده كبير ومفيش قناة تسويق تانية بتوصل لنفس الـROI.

السر مش في "إيميلات أكتر"

السر في "الإيميل الصح في التوقيت الصح":

الإيميلات الأوتوماتيك (زي إيميل الترحيب، وتذكير السلة المتروكة، ومتابعة بعد الشراء) مش بتتعدى 2% بس من إجمالي الإيميلات اللي بتتبعت، ومع كده هي اللي بتجيب حوالي 30-37% من إجمالي إيرادات الإيميل كلها.

يعني نظام أوتوماتيك بسيط مكوّن من 3-4 إيميلات بس، بيقدر يعمل تأثير أكبر من عشرات الإيميلات اليدوية اللي بتتبعت كل أسبوع.

لو متجرك لسه معندوش نظام إيميل أوتوماتيك، إنت فعليًا واقف على قناة من أرخص وأعلى القنوات عائدًا وسايبها.

---

في البوست الجاي، هنتكلم بالتفصيل عن أول إيميلين لازم يكونوا موجودين في أي متجر: إيميل الترحيب، وإيميل السلة المتروكة.

المصدر:
Omnisend: Email marketing ROI: 2026 benchmarks.

#sary_shokry #ecommerce #WooCommerce #تسويق_رقمي