DEV Community 👩‍💻👨‍💻

Cover image for اشلون ابدي اتعلم برمجة مواقع؟
omar.dev
omar.dev

Posted on

اشلون ابدي اتعلم برمجة مواقع؟

احلى شي اشوفه بالنسبة للبرمجة هو مدى سهولة ايجاد مصادر لتعلمه من انترنيت. 70% من مبرمجين جميع انحاء العالم تعلموا البرمجة بنفسهم. ايضا اكثر الناس نجاحا في العالم تعلموا البرمجة بدون شهادة جامعية.

هذا البوست الي راح يكون اول بوست انشره و راح احجي بيه عن :

  1. خطوات الي لازم تسويه بالبداية
  2. مصادر عربية لتعلم برمجة المواقع
  3. مصادر انكليزية لتعلم برمجة المواقع

خطوات الي لازم تسويه بالبداية كنووب

البداية الصحيحة كلش مهم بالبرمجة. بدايتي في تعلم البرمجة هدرت هواي من وقتي بدون معنى و بعدين تندمت ما بديت بداية صحيحة.

لو اني ابدي اليوم اتعلم برمجة من جديد شسوي؟
ا) اتاكد اذا كان برمجة المواقع مناسب. كل انسان اله شغف بمجال معين. و برمجة مجال شاسع كلش. قد يكون برمجة المواقع غير مناسب الك. شوف هذا الفيديوا ورا ما تخلص قراية البوست. اذا بعدك ما مقرر ابحث اكثر بمجالات البرمجة و لا تستعجل!

ب) ورا ما تختار مجال تعلم اساسياته بشكل زين! مثلا ببرمجة المواقع لازم تبدي تتعلم بالتسلسل:
1- html
2- css
3- javascript
هاي اللغات كل واحد منهم اله غرض معين افهم اول شي شنو معناهم بهذا الفيديو

ج) خلص اساسيات ؟ لازم تبني مشاريع بسيطة و تختبر مهاراتك بيه. مثلا :
1- ابني موقع بسيط لنفسك
2- ابني مشروع موقع ملاحظات
3- ابني مشروع الة الحاسبة

د) بنيت مشاريعك البسيطة ؟ حلو الان امامك خيارين 🥒🥒

🥒خيار الاول : تصير مبرمج واجهات امامية
🥒 خيار الثاني : تصير مبرمج واجهات الخلفية (هي اسمه هيجي مو بايدي 😂)
هذا الفيديوا فرق بينهم

مصادر عربية لتعلم برمجة المواقع

قبل جان صعب تلكى مصادر عربية للبرمجة ولكن بما انوا بدا البرمجة يصير مجال مرغوب بدول وطن العربي فيزداد مصادر تعلمه باللغة العربية يوم بعد يوم.

اهم هاي المصادر:

  1. قناة boodolf الي بيه كلشي عن برمجة مواقع. ابدا بهذا

  2. قناة العظيم TheNewBaghdad تابعه يفيدك

  3. اكو بعد هواي قنوات عراقية او غير عراقية اخرى تكدر تبحث بيه من يوتيوب "مو كلشي اني اكلك ياه"

مصادر انكليزية لتعلم برمجة المواقع

لغة الانكليزية في البرمجة اكبر ميزة راح تساعدك بالموضوع. تكدر تتعلم برمجة من مصادر عربية بس مشكلة مصادر عربية قليلة بالنسبة للانكليزي. بالنسبة الي 99% من تعلمي للبرمجة كانت من مصادر اجنبية. بالبداية كان انكليزي مالتي ضعيف لكن اجبرت نفسي اباوع فيديوهات بالانكليزي و اترجم كلمات ما اعرف للعربي و ورا فترة صرت افهم الفيديوا بدون ترجمة. هذا الشي ساعدني هواية بالتعلم و خاصتا الاكواد البرمجية عباراتها بالانكليزي.

احسن مصادر انكليزية "اذا انت سجاج"

  1. قناة programmingwithmosh
  2. قناة deved
  3. اكو قنوات بالمىات تكدر تبحث عنه باليوتيوب
  4. موقع sololearn. طبعا هذا الموقع كل واحد انصحه يبدا منه احسن شي. و عدهم تطبيق موبايل حملوه كلش مفيد
  5. w3 schools اي شي تفكر تتعلمه موجود بهذا الموقع . codeacademy هم موقع حلو

راح انشر بوستات من اليوم عن البرمجة اتمنى تفيدكم.

Top comments (0)

🌚 Friends don't let friends browse without dark mode.

Good news! You can update to dark mode in your DEV settings.