هل ممكن تخسر ماتش كسبته فعليًا؟ ⏱️

دي مش أول مرة على فكرة، ده بيحصلك بنسبة 77.54% من المرات..
مصر كانت متقدمة بهدفين على الأرجنتين، حامل اللقب، لغاية آخر ربع ساعة من الماتش.
لكن في دقايق كل حاجة ضاعت.

نفس القصة بتتكرر يوميًا في متاجرنا الإلكترونية، بس محدش بيلاحظها.

في دراسة لماستر كارد، حوالي 77% من العملاء اللي بيضيفوا منتج للعربة بيسيبوها من غير ما يشتروا. يعني من كل 10 عملاء دخلوا العربة، حوالي 8 بيضيعوا في آخر لحظة.

العميل بيدخل المتجر، يتصفح، يحب المنتج، يضيفه لعربة التسوق.
كل حاجة ماشية تمام… لحد الـ checkout.

• فورم طويل مليان حقول مالهاش لازمة
• طريقة دفع غير متاحة اصلا، لكن مكتوبة كده وخلاص
• مصاريف تظهر فجأة عند الدفع
• صفحة بطيئة ثانيتين زيادة

النتيجة؟ عميل كان على بعد ضغطة واحدة من الشراء… لكن ضاع في آخر الطريق.

مش اللي بيسجل الأول هو اللي بيكسب الماتش.
الـ checkout هو اللي بيحدد النتيجة. 🎯

المصدر: بيانات Mastercard Dynamic Yield، 2025