صفحة المنتج: السر في التفاصيــــــــل

كيف تفكر عند تصميم صفحة المنتج؟ 🛍️

62% من مواقع التجارة الإلكترونية على الموبايل او تطبيقات المتاجر الالكترونيه تجربتها في صفحة المنتج "متوسطة أو سيئة"، ده بحسب دراسة من Baymard institute مبنية علي تحليل أكثر من ٣٠ الف صفحة منتج. يعني أغلب المتاجر بتخسر مبيعات مش بسبب المنتج، بسبب الصفحة.

قبل تصميم صفحة المنتج في مجال معين، بسأل نفسي 3 أسئلة مهمة:

أولاً: إيه أول حاجة العين تروح لها؟
في أغلب المجالات الصورة هي اول حاجه العين بتروحلها
مش السعر.
بالإضافة ان لو الصفحة بطيئة، خسرت العميل قبل حتى ما يشوف الصورة — كل ثانية تأخير في التحميل بتقلل احتمالية الشراء Conversion Rateبحوالي 7% (المصدر: Deloitte).

ثانياً: عقبات الشراء - أو الاحتكاك (friction)؟
كل خطوة إضافية = فرصة إن العميل يمشي.
بالإضافة إن غموض معلومات زي المقاس أو الخامة من أكتر أسباب ترك السلة قبل الشراء (المصدر: Baymard Institute).

ثالثاً: هل في ثقة كافية؟
تقييمات، صور حقيقية، سياسة استرجاع واضحة.
العميل مش بيشتري منتج بس، بيشتري ضمان إنه مش هيندم.

رابعاً: مفيش صفحة واحدة مناسبة لكل الأنشطة والبراندات.
نشاط الملابس محتاجة صور ومقاسات في المقدمة. الإلكترونيات محتاجة مواصفات وتقييمات. الأغذية محتاجة عرض للمكونات وتاريخ صلاحية. الأثاث محتاج أبعاد وصور من زوايا مختلفة.
بالإضافة إن أي براند ليه هوية وجمهور بيفكر بطريقة محددة ومختلفة عن نفس البراندات في نفس الصناعة.

كل متجر يحتاج ترتيب معلومات مختلف ومافيش قالب واحد يظبط مع الكل.

أخيرا واهم حاجة: متفترضش... اختبر

الزرار أخضر ولا أسود؟ التقييمات فوق السعر ولا تحته؟ محدش يعرف من غير A/B testing حقيقي.

في الآخر، صفحة المنتج مش مسألة ذوق — هي سلسلة فرضيات لازم يتم اختبارها بالبيانات والاحصائيات.
افهم نوع المنتج → صمم → قِس → حسّن.

إيه أكتر عنصر في صفحة المنتج لاحظت إنه غيّر نتائج البيع عندك بعد تعديله؟

مصادر الإحصائيات:
Baymard Institute — Current State of Ecommerce Product Page UX
Deloitte — Milliseconds Make Millions