C# da Metod

Metod(funksiya) - bu kodning qayta ishlatiladigan qismi bo'lib, u bir yoki bir nechta vazifalarni bajarish uchun yoziladi. Funksiya boshqa joyda chaqirilganda, u bajariladi va natija qaytarilishi mumkin. Funksiya ma'lum bir vazifani bajarish uchun ishlatiladi va kodni modul qilish hamda qayta ishlatishni osonlashtiradi.

Funksiyaning asosiy qismlari:
Funksiya turi (return type): Funksiya qanday turdagi qiymatni qaytarishi kerakligini bildiradi. Masalan, int, void, double va boshqalar.

Funksiya nomi (function name): Funksiyaga berilgan ism bo'lib, chaqirilganda uni ishlatish uchun xizmat qiladi.

Parametrlar (parameters): Funksiya kiruvchi qiymatlar olishi mumkin, bu qiymatlar funksiyaga berilgan argumentlar yordamida uzatiladi. Agar parametrlar kerak bo' lmasa, bo'sh qavslar (()) yoziladi.

Tana qismi (function body): Funksiya bajaradigan amallar bu yerda yoziladi. Qavslar {} ichiga yoziladi.

Qaytarish bayonoti (return statement): Funksiya natijani qaytarishi mumkin. Agar funksiya natija qaytarishi kerak bo'lsa, return bayonoti ishlatiladi. Aks holda, funksiya void bo'lishi mumkin va qaytarish talab qilinmaydi.

Sintaksis:

qaytish_turi FunksiyaNomi(parametrlar)
{
    // Funksiyaning ishlash qismi
    return qiymat; // Agar qaytish turi `void` bo'lmasa
}

Masalan:

string GenerateGreeting(string ism, string sana)
{
    return $"Salom, {ism}! Bugungi sana: {sana}.";
}

Agar kodimiz bir qatorli bo'lsa uni qisqartirsak bo'ladi. "return" -> "=>".

string GenerateGreeting(string ism, string sana)
    => $"Salom, {ism}! Bugungi sana: {sana}.";