C# da input qilish

Asssalamu aleykum hurmatli dasturchilar bugun sizlarga, C# dasturlash tilida foydalanuvchi kirishini qanday qabul qilish va undan qanday foydalanish mumkinligini tushuntirib beraman. Kiritish (input) foydalanuvchi tomonidan dasturga kiritilgan ma'lumotlar bo'lib, ular turli xil formatlarda bo'lishi mumkin: matn (string), son (integer), haqiqiy son (double), mantiqiy qiymat (boolean) va hokazo. C# tilida bu kiritishlar odatda Console.ReadLine metodi yordamida olinadi.

String kiritish
Matn kiritishni ko'rib chiqamiz:

class Program
{
    static void Main()
    {
        Console.Write("Ismingizni kiriting: ");
        string ism = Console.ReadLine();
        Console.WriteLine("Salom, " + ism + "!");
    }
}

Bu yerda Console.ReadLine foydalanuvchi tomonidan kiritilgan matnni (ismni) o'qiydi va ism o'zgaruvchisiga saqlaydi. Keyin bu matn qayta ishlatiladi va ekranga chiqadi.

Integer kiritish
Son kiritishni ko'rib chiqamiz:

class Program
{
    static void Main()
    {
        Console.Write("Iltimos, bir son kiriting: ");
        int son = Convert.ToInt32(Console.ReadLine());
        Console.WriteLine("Siz kiritgan son: " + son);
    }
}

Bu yerda, kiritilgan matn avval string sifatida olinadi, so'ngra Convert.ToInt32 metodi yordamida integer turiga o'zgartiriladi.

Double kiritish
Haqiqiy son kiritishni ko'rib chiqamiz:

class Program
{
    static void Main()
    {
        Console.Write("Biror haqiqiy son kiriting: ");
        double haqiqiySon = Convert.ToDouble(Console.ReadLine());
        Console.WriteLine("Siz kiritgan haqiqiy son: " + haqiqiySon);
    }
}

Bu yerda, kiritilgan string haqiqiy son (double) turiga Convert.ToDouble metodi yordamida o'zgartiriladi.

Boolean kiritish
Mantiqiy qiymat kiritishni ko'rib chiqamiz:

class Program
{
    static void Main()
    {
        Console.Write("Mashinangiz bormi? (ha/yo'q): ");
        string javob = Console.ReadLine().ToLower();
        bool mashinaBor = javob == "ha";

        if (mashinaBor)
        {
            Console.WriteLine("Sizning mashinangiz bor.");
        }
        else
        {
            Console.WriteLine("Sizning mashinangiz yo'q.");
        }
    }
}

Bu misolda, foydalanuvchi "ha" yoki "yo'q" deb javob beradi. Javob string turida olinadi va kichik harflarga o'zgartiriladi (ToLower metodi yordamida). Keyin u mantiqiy qiymatga (boolean) tekshirish orqali o'zgartiriladi.

Xulosa:

Foydalanuvchi kiritishini olish C# dasturlash tilida oddiy va kuchli vositalar orqali amalga oshiriladi. Kiritilgan qiymat odatda string sifatida olinadi va keyin kerakli turga o'zgartiriladi. Bu usul sizga foydalanuvchi bilan interaktiv muloqot qilish va kiritilgan ma'lumotlar asosida hisob-kitoblar yoki qaror qabul qilish imkonini beradi.